咖啡豆新鮮烘焙好重要！簡單試出咖啡豆新唔新鮮

作者：未知來源：手衝咖啡: 咖啡知識 > 咖啡小知識 > 2024-11-01 21:42:40

專業咖啡師交流請關注咖啡工房（微信公衆號cafe_style ）

　　好多人都習慣朝早飲杯香濃嘅咖啡提提神，Mean娜都系其中一個。雖然咖啡系每日嘅必需品，不過好似我呢啲死窮鬼，又邊有錢日日去星巴乜幫襯丫，唯有自己衝咖啡飲，慳返幾個錢。自己衝咖啡嚟講，有人鐘意用速溶咖啡粉，貪佢夠方便；有人就鐘意用咖啡豆，感覺夠風味。如果你都系選擇後者，證明你都系一個追求咖啡Quality嘅人，唔差在學埋點樣測試你買嘅咖啡豆夠唔夠新鮮丫？

　　外國網站techinsider就列出4個簡易方法，等你輕鬆揀出至Fresh咖啡豆。一齊睇過！

　　咖啡豆表面要充滿光澤

　　咖啡豆含有豐富嘅油脂、脂肪、脂肪酸，所以烘焙完，咖啡豆嘅油脂會被逼出嚟，覆蓋喺咖啡豆皮上，令咖啡豆睇落充滿光澤。

　　一把拎起咖啡豆，會有殘渣留喺手中

　　如果一把將咖啡豆拎喺手有殘渣遺留，咁代表咖啡豆有經過新鮮烘培，同時代表佢哋夠油夠新鮮。

　　密封袋上有排氣窿

　　當咖啡豆喺高溫烘焙後，冷卻時會釋放大量二氧化碳。呢種氣體可以持續幾日甚至幾個星期，呢個情況就係所謂嘅脫氣。當正在脫氣嘅咖啡豆放入密封袋時，二氧化碳會不斷排出，所以需要排氣窿，如果唔系密封袋就會好似氣球一樣被吹起，甚至有可能會爆炸。

　　所以如果買返嚟嘅袋裝咖啡豆冇排氣窿喺袋上，即系話佢嘅咖啡豆唔太新鮮，唔需要大量排氣。

　　最後教大家一個方法，可以簡單鑑別咖啡豆夠唔夠新鮮︰

　　將咖啡豆放入密封袋，擠壓出空氣，然後靜置一晚。

　　如果咖啡豆系過去7至10日內新鮮烘焙，密封袋就會因爲二氧化碳排氣而膨脹。

　　如果咖啡豆冇咁新鮮，咁密封袋就會系平嘅。